ஹைக்கூ

பாலுக்கு அழும் குழந்தை எதிர் இருக்க..,
பகட்டாக நடக்கிறது பாலாபிஷேகம்!

யுத்தம்!

சிரிக்காத குழந்தை!
சிறகடிக்காத பறவை!
இருப்பார்களா என்று தெரிய வில்லை…
யுத்த பூமியில்!
தெரிந்ததெல்லாம்
ரத்தமும் ரத்த சம்மந்தமானது மட்டும் தான் என்பது!
ஆனால் ஒன்று மட்டும் உறுதி
வெல்பவர்களையும் தோற்பவர்களையும் விடுத்து
வாழ்பவர்களே அழிக்கப்படுகின்றனர்!

படித்ததில் பிடித்தது!

நான் நேசிக்காத காலங்களுக்காக
வருத்தப்படவில்லை!
என்னை நேசிக்கவிருக்கும் காலத்திற்காக
வாழ்ந்துகொண்டிருக்கிறேன்!

கேட்டதில் பிடித்தது!

ஜாதிக்கொடுமை!

சிவனை வணங்கினேன்!
இந்து என்றார்கள்! கீதையைத்தந்தார்கள்!
குல்லா அணிந்தேன்!
முஸ்லிம் என்றார்கள்! குரானைத்தந்தார்கள்!
சிலுவை அணிந்தேன்!
கிறிஸ்தவன் என்றார்கள்! பைபிளைத்தந்தார்கள்!
ஒவ்வொரு முறையும்
என் சட்டையின் நிறம் தான் மாறியது!
ஆனால்
நான் ‘தலித்’ என்பதை எந்த மதத்தாலும் மாற்ற முடியவில்லை!

-ஒரு தலித்தின் கூக்குரல்